Ўзбекистон Республикаси Президенти Ислом Абдуғаниевич Каримовнинг 2015 йил 17 июлдаги Ўзбекистон Республикаси давлат мустақиллигининг 24 йиллик байрамига тайёргарлик кўриш ва уни ўтказиш тўғрисидаги ПҚ-2371 сонли қарори асосида Республикамизнинг барча ҳудудларида “Бетакроримсан, ягонасан, она Ватаним — Ўзбекистоним!” деган эзгу ғояни ўзида мужассам этган ташкилий-амалий, маданий-маънавий ҳамда тарғибот-ташвиқот ишларини олиб бориш режалаштирилган.

Ўзбекистон ўз вақтида собиқ мустабид тузумнинг маъмурий-буйруқбозлик тизимидан, бир ёқлама ривожланган ночор иқтисодиётдан бутунлай воз кечиб, машҳур беш тамойилга асосланган ўз тараққиёт йўлини қатъий танлаб олди ва дунёда “ўзбек модели” сифатида эътироф этилган ушбу ривожланиш стратегиясининг реал натижаларини аниқ таҳлиллар орқали очиб берди.

Юртимизда ҳукм сураётган тинч ва осойишта ҳаёт, миллатлараро дўстлик ва ҳамжиҳатликни сақлаш, чегараларимиз дахлсизлигини асраш, узоқ ва яқин атрофимиздаги давлатлар билан дўстона муносабатлар ва ўзаро манфаатли ҳамкорликни янада мустаҳкамлаш, турли минтақа ва ҳудудларда хавф-хатар ва таҳдидлар тобора кучайиб бораётган таҳликали замонда доимо огоҳ, сергак ва ҳушёр бўлиб яшаш, сафарбарлигимизни янада ошириш — бугун ҳаётнинг ўзи барчамиздан талаб қилаётган энг муҳим ва долзарб вазифамиз эканига алоҳида аҳамият қаратиш лозим.

Ўзбекистон эришаётган ютуқ ва марралар дунё ҳамжамияти томонидан кенг эътироф этилаётгани, хусусан, Жаҳон иқтисодий форуми томонидан эълон қилинган рейтингда иқтисодиёти энг тез ривожланаётган давлатлар орасида мамлакатимиз 5-ўринни эгаллагани, шунингдек, БМТ кўмагида АҚШнинг Колумбия университети томонидан ташкил этилган ижтимоий тадқиқотлар асосида эълон қилинган “Бутунжаҳон бахт индекси”да Ватанимиз 158 та мамлакат ўртасида 44-поғонани, МДҲ мамлакатлари орасида 1-ўринни эгаллагани ва бошқа мисоллар ёрдамида юртимизнинг барқарор тараққиёт суръатларини теран очиб бериш ва биз қўлга киритаётган бундай юксак натижаларнинг асосий омили ва мезони сифатида биринчи навбатда халқимизнинг фидокорона меҳнати, одамларимизнинг дунёқараши, сиёсий онги тобора кучайиб бораётганига алоҳида урғу бериш лозим.

Мустақиллик йилларида республикамизда барча соҳаларда амалга оширилаётган кенг кўламли ислоҳотлар ифодасини Жиззах вилояти мисолида хам яққол кўриш мумкин. Вилоят аҳли юртимизда рўй бераётган туб ўзгаришлар ва янгиланишларда фаол иштирок этиб, мустақиллигимизни мустаҳкамлаш, Ватанимизни иқтисодий-ижтимоий ривожлантириш, маънавий-маданий ҳаётимизни янада юксалтиришга муносиб хисса қўшиб келмоқда.

Маълумки, хар қандай мамлакат, ҳудуднинг иқтисодий барқарорлиги унда ишлаб чикариладиган ялпи махсулотнинг хажми, унинг ўсиши билан бевосита боғлиқ. Шу нуқтаи назардан қараганда, 2014 йил якуни билан вилоят ялпи ҳудудий махсулот хажми 3,2 трлн. сўмни ташкил этиб, ўтган йилга нисбатан 108,6 фоизга ўсганини кузатамиз. Махсулот ҳажми эса ўтган йилларга нисбатан (мисол учун 2007 йилга) 4 баробарга кўпайган.

Сўнгги 7 йил давомида қишлоқ хўжалик соҳасида ҳам катта ижобий ўзгаришлар бўлди. Бу ислоҳотларга жами 91,8 млрд. сўм маблағ сарфланиб, 1300 та, жумладан, 283 та қорамолчилик, 406 та паррандачилик, 274 та балиқчилик, 437 та асаларичилик йўналишида лойиҳалар амалга оширилди. Уларга тижорат банклари томонидан 250 млрд. сўм микдорда кредит маблағлари ажратилди. Бу эса 3296 та янги иш ўринлари ташкил этиш имконини берди.

Вилоятнинг мева-сабзавотчилик махсулотларини етиштиришга қулай бўлган Бахмал ва Ғаллаорол туманларини озиқ-овқат махсулотлари етиштиришга ихтисослашган туманларга айлантирилганлиги, Ғаллаорол туманида 5001 гектар, Бахмал туманида 4166 гектар, Янгиобод туманида
2202 гектар ғалла майдонлари қисқартирилиб, 1727 гектар сабзавот, 235 гектар полиз, 793 гектар картошка, 638 гектар озуқабоп экинлар, 2578 гектар боғ, 5398 гектар токзорлар барпо этилди.

Вилоятда ҳудудий инвестиция дастури доирасида кейинги 7 йил давомида жами 53,4 млн. долларлик тўғридан-тўғри хорижий инвестициялар жалб этилди. Уларнинг ҳисобига вилоятда 23 та хорижий инвестиция иштирокидаги корхоналар барпо этилиб, қурилиш бўёғи, мармар тош, калава ип, пойабзал, қурилиш материаллари, гилам ва гилам махсулотлари, ўсимлик ёғи, ковулни кайта ишлаш, полимер материаллари каби янги турдаги махсулотларни ишлаб чиқариш йўлга қўйилди.

Хорижий корхоналар бунёд этилиши ҳисобига қарийб 1547 та қўшимча янги иш ўринлари яратилди. Биргина 2014 йилда 101,2 млн. долларлик махсулот ва хизматлар экспорти амалга оширилди. Ушбу экспортнинг 46,3 млн. доллари ёки 45,7 фоизини ҳудудий экспорт ташкил этади. Бу кўрсаткич 2007 йилга нисбатан таққосланганда 6,3 баробарга кўпайгани кузатилади.

Бундай ижобий ўзгаришлар, ўз навбатида махсулотлар турларининг ҳам кўпайишига сабаб бўлди. Агар, 2007 йилда 12 та ҳудудий корхоналар томонидан 7 турдаги махсулот экспорт қилинган бўлса, 2014 йилга келиб,
25 та ҳудудий тасарруфдаги корхоналар томонидан 16 турдаги махсулотлар экспорти йўлга қўйилди. Олтингугурт, жун, гилам, трикотаж махсулотлари шулар жумласидандир.

Мухтасар қилиб айтганда, вилоятимиз ижтимоий-иқтисодий соханинг барча жабхаларида фаол ривожланиш йўлидан бормоқда.

Ҳусниддин Шарипов,

Ўзбекистон “Адолат” СДП Жиззах вилояти Кенгаши раиси ўринбосари

The post Истиқлол ислоҳотларининг Жиззахдаги акси appeared first on Ўзбекистон "Адолат" социал-демократик партияси.

Ўзбекистон “Адолат” СДП Жиззах вилояти Кенгаши, шаҳар ва туман Кенгашларида “Адолат” ижтимоий-сиёсий газетасига обунани ташкил этиш бўйича давра суҳбатлари ўтказиб келинмоқда. Жумладан, партиянинг Дўстлик туман Кенгаши ташаббуси билан “Мевазор” ҚФЙ ҳамда “Наврўз” ШФЙларида “Адолат” ижтимоий-сиёсий газетаси асосан партия фаолияти, амалга оширилаётган ишлар кенг ёритилиши тушунтирилмоқда.

Жамиятда матбуотнинг куч-қудратини бирон нарса билан қиёслаб бўлмайди. Боиси ҳаётимизнинг ҳар бир жабҳасида юз бераётган ўзгаришлар, янгиликларни биз албатта матбуотдан ўқиб биламиз. Шунингдек халқимизнинг ҳуқуқий онги ва маъданиятини шакллантиришда, қонун ва қонуности ҳужжатларини тарғиб этишда газетанинг хизматлари катта эканлигини барчамиз яхши англаймиз. Бу борада ҳаммамизга ўз нашримиз бўлган “Адолат” газетаси яқиндан кўмакчи бўлади.

Партиянинг туман Кенгаши Аёллар қаноти раиси Н.Маматова истиқлол йилларининг ҳар бир дамини, олиб бораётган ижтимоий-сиёсий фаолиятимиз, хусусан жамиятимизнинг тенг ҳуқуқли аъзоси бўлган хотин-қизларнинг жамиятдаги ўрни ва нуфузини акс эттиришда партиямиз солномачисининг ўрни беқиёслигини, улар ўртасида обуна ишларини ташкил этишда фаолликни оширишимиз зарурлигини  таъкидлаб ўтди.

Шундай тадбирлардан яна бири Жиззах вилоят қон қуйиш марказида партиянинг шаҳар Кенгаши ташаббуси билан ташкил этилди. Давра суҳбатида сўзга чиққан Ўзбекистон “Адолат” СДП шаҳар Кенгаши депутати Ф.Алимқулов партиямизнинг 1995 йил 18 февралда сиёсий майдонга ижтимоий адолат ғояси билан кириб келиб, мамлакатдаги барча ижтимоий-иқтисодий ўзгаришларда фаол иштирок этган ҳолда турли аҳоли қатламлари манфаатларини ҳимоя қилувчи куч сифатида олдинга интилиб бораётганлигини таъкидлаб, айни пайтда газетанинг 2015 йил иккинчи ярим йиллиги учун шаҳар миқёсидаги обуна кунларини ташкил этилаётганини таъкидлади.

Шунингдек, тадбирда сўз олган Ўзбекистон “Адолат” СДП шаҳар Кенгаши раиси Ў.Жуманов йиғилганларга Ўзбекистонда социал-демократия мафкурасининг кўплаб тарафдорлари борлиги, партиямиз бундан кейин ҳам ижтимоий адолат, қонун устуворлиги таъминланган демократик ҳуқуқий давлат ва адолатли фуқаролик жамиятини барпо этиш йўлида фаол иштирок этишини адоҳида таъкидлади.

                                                                                     Жасур  Қаршиев,

Ўзбекистон “Адолат” СДП

Жиззах вилояти Кенгаши

матбуот котиби

The post Обуна кунлари ташкил этилмоқда appeared first on Ўзбекистон "Адолат" социал-демократик партияси.

Миллий қонунчилик, халқнинг бой интеллектуал мероси ва умумбашарий қадриятлар, замонавий маданият, иқтисодиёт, фан, техника ва технологияларнинг ютуқлари асосида сиёсий таълим тизимини шакллантириш сиёсий партия фаолиятини такомиллаштиришнинг муҳим шартидир.

Сиёсий таълим тизими кадрлар тайёрлаш миллий моделини рўёбга чиқаришни, сиёсий, ижтимоий, ҳуқуқий, психологик, педагогик ва бошқа тарздаги шароитларни яратишни, электорат олдида ўз жавобгарлигини ҳис этадиган партия аъзоларини тарбиялашни назарда тутади.

Таҳлиллар шуни кўрсатмоқдаки, сиёсий ўқув машғулотлари жараёнида интерактив усуллардан фойдаланган ҳолда нутқий маҳоратни оширишга қаратилган очиқ мулоқот, семинар-тренинг, давра суҳбати, баҳс-мунозара, маҳорат дарслари каби услубий шаклларга кенг ўрин берилади. Тадбир иштирокчилари кичик гуруҳларга бўлиниб, ўқув мавзуси бўйича ўз фикр-мулоҳаза ва таклифларини айтишади. Экспертлар гуруҳи томонидан уларнинг мавзу доирасидаги тасаввур ва тушунчаси, билими баҳолаб борилади. Амалий таклиф ва ташаббуслар билан чиққан иштирокчилар рағбатлантирилади. Бу иштирокчиларнинг ўрганилаётган мавзуни чуқур англаши, ўз фикрларини эркин баён этиб, фаол бўлишига имкон бермоқда.

Сиёсий ўқув машғулотлари партия ишини ташкил этиш, унинг таркибини сифат жиҳатдан яхшилаш, жамиятни ислоҳ қилиш ҳамда бошланғич партия ташкилотлари фаоллигини кучайтириш жараёнларида мунтазам иштирок этмоқда. Бундан ташқари, ўқув машғулотларида партия аъзоларига мамлакатни модернизация қилиш ва демократлаштиришнинг устувор вазифаларини тушунтириш, бўлажак сайловларда фаол иштирок этиш, номзодларни қўллаб-қувватлаш каби масалаларга эътибор қаратилмоқда.

Ўқув машғулотларида янги қабул қилинаётган қонунларнинг аҳамияти, сиёсий партия ва депутатларга берилган ваколатлар, депутатлик назорати мавзулари кўпчиликда қизиқиш уйғотмоқда. Шунингдек тадбирлар асносида демократик ислоҳотларда фаол иштирок этиш, партия гуруҳлари ташаббускорлигини ошириш билан боғлиқ масалаларда партия фаоллари, электорат вакилларидан таклифлар олинмоқда.

Ўйлаймизки, бугунги кунда сиёсий таълим тизимини янгилаш, сифат жиҳатдан яхшилаш, ўқув семинарлар самарадорлигини янада ошириш борасидаги ишларни янада кучайтириш керак. Ташкил этилаётган тадбирларда сиёсий технологиялардан кенг фойдаланиш, ўқув машғулотлари мавзусини ёритишда малакали маърузачиларни жалб этишга алоҳида эътибор қаратилиши лозим.

Дарҳақиқат, сиёсий партиялар фаолиятида мамлакатимизда демократик ҳуқуқий давлатни қуриш, адолатли фуқаролик жамиятини барпо этиш, фуқароларнинг сиёсий-ҳуқуқий онгини, уларнинг ижтимоий фаолликларини ошириш мақсадида ўтказилаётган сиёсий ўқув семинарларнинг бугунги замон талаблари ва демократия тамойилларига мос тарзда ташкиллаштиришга катта эътибор қаратилмоқда.

                                                                            Жасур Қаршиев,

                                                                         Ўзбекистон “Адолат” СДП

                                                                     Жиззах вилояти Кенгаши 

                                                                            матбуот котиби

The post Сиёсий таълим – партия фаолиятининг муҳим қисми appeared first on Ўзбекистон "Адолат" социал-демократик партияси.

Ўзбекистон “Адолат” СДП Жиззах вилояти Кенгаши ташаббуси билан жойларда “Кексаларни эъзозлаш – муқаддас бурчимиздир” ижтимоий акцияси ўтказиб келинмоқда.

Бу тадбирларда боқувчисини йўқотган ёлғиз кексалар, ногирон кишилар, меҳнат фахрийлари ҳолидан хабар олиш, уларга моддий ва маънавий далда бериш, меҳр-мурувват кўрсатиш ҳар бир партия ходими зиммасидаги маъсулиятли ишга айланмоқда. Жиззах вилоят партия Кенгаши раиси ўринбосарлари Хусниддин Шарипов, Д.Жўраева бошчилигидаги бир гуруҳ партия фаоллари Жиззах шаҳридаги “Ҳамид Олимжон”, “Олмазор” маҳаллалари билан ҳамкорликда мазкур маҳаллаларда умргузаронлик қилаётган 101 ёшли Зокирова Турсун, Хамдамова Марям, Сахнова Фаиналарнинг хонадонида бўлиб, табаррук ёшдаги нуронийларга байрам совғалари тақдим этишди.

Офтобой Нишонова, “Олмазор” МФЙ диний маърифат, маънавий-ахлоқий тарбия масалалари бўйича маслаҳатчиси, Жиззах шаҳар Кенгаши депутати:

Тадбирдан кўзланган мақсад кексаларнинг ҳолидан хабар олиш, уларга алоҳида эхтиром кўрсатиш, улар томонидан босиб ўтилган ибратли йўлларни ёшларга ўргатиш, уч авлод вакиллари учрашувини ташкил этиб, мамлакатимизнинг истиқлолдан аввалги ва ҳозирги кундаги ҳаётини “Кеча ким эдигу, бугун ким бўлдик?” деган ҳаётий ҳақиқат билан ёритиб беришдан иборатдир.

                                                                                    Жасур Қаршиев,

                                                                            Ўзбекистон “Адолат” СДП

                                                                             Жиззах вилояти Кенгаши

                                                                              матбуот котиби

The post Миллий ва умуминсоний қадрият appeared first on Ўзбекистон "Адолат" социал-демократик партияси.

Фориш туманидаги “Еримбетов” ҚФЙда Ўзбекистон Республикаси давлат мустақиллигининг 24 йиллигига бағишланган “Бетакроримсан, ягонасан, она Ватаним-Ўзбекистоним!” шиори остида маъданий-маърифий тадбир бўлиб ўтди.

Тадбирда Ўзбекистон “Адолат” СДП Жиззах вилояти Кенгаши раиси Рустам Тўйчиев, туман ҳокими ўринбосари, туман хотин-қизлар қўмитаси раиси Г. Исмоилова, “Дарвоза”, “Еримбетов” ширкат хўжалиги раҳбарлари, ҚФЙ раислари, имом хатиб ҳамда ОАВ вакиллари иштирок этдилар.

Тадбирда сўзга чиққан вилоятдан бириктирилган масъул Р.Тўйчиев барча йиғилганларни Ўзбекистон Республикаси давлат мустақиллигининг 24 йиллиги муносабати билан муборакбод этган ҳолда юртимизда ҳукм сураётган осойишта ҳаёт, миллатлараро дўстлик ва ҳамжиҳатликни сақлаш, чегараларимиз дахлсизлигини асраш, турли минтақа ва ҳудудларда хавф-хатар ва таҳдидлар тобора кучайиб бораётган таҳликали замонда доимо огоҳ, сергак ва ҳушёр бўлиб яшаш лозимлигини, бебаҳо неъмат бўлган мустақиллигимизни асраш, уни янада мустаҳкамлаш барчамиз учун ҳам қарз, ҳам фарз эканлигини таъкидлаб ўтдилар.

Тадбир давомида сўзга чиққан нуроний отахонлар ва маҳалла фаоллари бугунги кунда юртимизда амалга оширилаётган ислоҳотлар, бунёдкорлик ишлари, ёшларга берилаётган имкониятлар ҳамда кексаларга қаратилаётган юксак эътибор ва уларга яратилаётган шароитлар ҳақида таъкидлаб ўтдилар. Шунингдек, тадбирда иштирок этаётган нуроний отахон ва онахонлар туман ҳокимлигининг эсдалик совғалари билан тақдирланди.

Тадбир якунида Фориш туман Маъданият ва спорт ишлари бўлимига қарашли бир гуруҳ санъаткорлар томонидан иштирокчиларга маданий дастур тақдим этилди.

                                                                                                                                            Жасур Қаршиев,

                                                                            Ўзбекистон “Адолат” СДП

                                                                             Жиззах вилояти Кенгаши

                                                                              матбуот котиби

The post Байрам тантаналарида нуронийлар хушнуд этилди appeared first on Ўзбекистон "Адолат" социал-демократик партияси.

Мустақиллик туфайли мамлакатимизнинг халқаро майдондаги шон-шуҳрати, ўрни ва нуфузи ошди. Буни Ўзбекистоннинг иқтисодий салоҳияти тобора юксалиб бораётгани мисолида яққол кўриш мумкин. Жаҳон молиявий-иқтисодий инқирозининг салбий таъсири давом этаётган ҳозирги шароитда, саноқли давлатлар қаторида, юртимизда ҳам мунтазам ялпи ички маҳсулотнинг изчил ўсиб бориши таъминланаётганлиги шундан далолатдир.

Мамлакатимиз қиёфасини бутунлай ўзгартираётган янги иншоотлар ва ишлаб чиқариш корхоналари, ижтимоий объектлар ва тураржой бинолари, намунали уй-жойлар, умуман, кенг миқёсдаги бунёдкорлик ишлари барчамизни қувонтиради, албатта. Айни чоғда таълим-тарбия, соғлиқни сақлаш, спорт ва аҳолини ижтимоий ҳимоя қилиш борасида қўлга киритилаётган ютуқларимиздан ҳам ҳар қанча ғурурлансак арзийди. Бундай ютуқ ва марраларга эришишимиз истиқлол туфайлидир.

Ўзбекистон “Адолат” СДП Жиззах вилояти Кенгаши ташаббуси билан “Пластекс” МЧЖда ташкил этилган “Ўзбекистон — гўзал бўстоним менинг!” мавзуидаги давра суҳбатида шулар ҳақида сўз юритилди.

Тадбирда партия вилоят Кенгаши раиси Рустам Тўйчиев, раиснинг биринчи  ўринбосари Ҳусниддин Шарипов, “Пластекс” МЧЖ директори Асқар Иноғомов, партиянинг Жиззах шаҳар Кенгаши раиси Ўткир Жуманов, Халқ депутатлари Жиззах шаҳар Кенгаши депутатлари, корхона ходимлари ҳамда оммавий ахборот воситалари вакиллари иштирок этдилар.

Давра суҳбати сўнгида партия сафига янги қабул қилинаётган аъзоларга партия гувоҳномалари ва эсдалик совғалари топширилди.

Жасур ҚАРШИЕВ,

Ўзбекистон “Адолат” СДП Жиззах вилояти Кенгаши Матбуот  котиби

The post Янги аъзоларга партия гувоҳномалари топширилди appeared first on Ўзбекистон "Адолат" социал-демократик партияси.

Истиқлол йилларида фуқароларнинг ўзини ўзи бошқариш органларига кўрсатилаётган юксак эътиборни тарғиб этиш, маҳаллалар фаолиятини чуқур ва атрофлича ўрганиш, илғор иш тажрибаларини оммалаштириш, ушбу йўналишда самарали меҳнат қилаётган маҳалла жонкуярларини қўллаб-қувватлаш ва рағбатлантиришга муҳим эътибор қаратилаётир. Ўзбекистон «Маҳалла» хайрия жамоат фонди томонидан ҳар йили тегишли вазирлик, идора ва ташкилотлар билан ҳамкорликда анъанавий тарзда ўтказилаётган ҳамда мазмун-моҳияти ва аҳамияти йилдан-йилга ортиб бораётган «Энг намунали фуқароларнинг ўзини ўзи бошқариш органлари» республика танлови айни шу мақсадга хизмат қилмоқда.

Куни кеча Жиззах шаҳридаги Юнус Ражабий номли вилоят мусиқали драма театри биносида мазкур танловнинг бу йилги республика босқичи ғолибларини тақдирлаш маросими бўлиб ўтди.

Мустақиллигимизнинг 24 йиллик байрами шукуҳи давом этаётган кунларда “Бетакроримсан, ягонасан, она Ватаним — Ўзбекистоним!” шиори остида юқори савияда ташкил этилган танловда республика ташкилий қўмита аъзолари, тегишли давлат органлари ва жамоат ташкилотлари раҳбарлари, шунингдек, маҳалла фаоллари ва танловнинг вилоят босқичида ғолиб бўлган 14 та маҳалла фуқаролар йиғинларининг ходимлари ҳамда оммавий ахборот воситалари вакиллари иштирок этди.

Тадбирда таъкидланганидек, “халқ виждони” дея юксак эътироф этилган, бой тарихий анъана ва тажрибаларни ўзида мужассам этган халқчил бошқарув тизими — маҳалланинг нуфузи мустақиллик туфайли янада юксалиб, жамият ҳаёти ва тараққиётига ўзининг муносиб ҳиссасини қўшиб келмоқда. Маҳаллалар бугунги кунда аҳолини аниқ йўналтирилган асосда ижтимоий қўллаб-қувватлаш, хусусий тадбиркорлик ва оилавий бизнесни ривожлантириш марказларига, “Кучли давлатдан — кучли фуқаролик жамияти сари” тамойилининг амалий ифодасига, кенг халқ оммасини давлат, ҳокимият идоралари билан боғлаб турувчи мустаҳкам кўприкка айланди.

— Президентимиз раҳнамолигида маҳалла институтининг нуфузини юксалтириш, ҳуқуқ ва ваколатларини кенгайтириш, моддий-техник базасини мустаҳкамлаш, ислоҳотлар жараёнидаги фаол иштирокини янада кучайтириш масаласига устувор аҳамият қаратилмоқда, — деди Ўзбекистон “Маҳалла” хайрия жамоат фонди бошқаруви раиси, Ўзбекистон “Адолат” СДП аъзоси Жавдат Иноғомов. — Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясида фуқароларнинг ўзини ўзи бошқариш институти – маҳалла фаолиятининг ташкилий асосларини янада такомиллаштириш, унинг вазифалари кўламини кенгайтириш, давлат ҳокимияти ва бошқаруви органлари билан ўзаро ҳамкорлигини ривожлантиришнинг истиқболлари белгилаб берилган.

Ўзбекистон Республикасининг “Фуқароларнинг ўзини ўзи бошқариш органлари тўғрисида” ва “Фуқаролар йиғини раиси (оқсоқоли) ва унинг маслаҳатчилари сайлови тўғрисида”ги қонунлари маҳаллани тадбиркорлик марказига айлантириш, унинг асосий йўналишлари бўйича ўнга яқин комиссиялар ишини такомиллаштириш, аҳоли манфаатларини тизимли ҳимоялашга оид ишларни давр руҳига ҳамоҳанг тарзда йўлга қўйишга хизмат қилмоқда.

Бу борадаги ишлар Кексаларни эъзозлаш йилида янада кенгайди. Фуқароларнинг ўзини ўзи бошқариш органлари ривожи йўлида кўрсатилаётган юксак эътибор юртимиздаги тинчлик ва осойишталикни асраш, ўзаро меҳр-оқибат, ҳамжиҳатлик муҳитини мустаҳкамлаш, ибратли анъана ва қадриятларимизнинг бардавомлиги, ёшлар тарбияси каби масъулиятли вазифалар ижросини таъминлашда маҳалланинг иштирокини кучайтиришда муҳим аҳамият касб этмоқда.

Дарҳақиқат, тадбирда сўз олганлар томонидан эътироф этилганидек, бугунги тинч ва осуда ҳаётимизни асраб-авайлаш, мустақиллигимизни мустаҳкамлаш, ёшларни хар томонлама баркамол этиб вояга етказиш сингари хайрли ва машаққатли ишларда фуқароларнинг ўзини ўзи бошқариш органлари фаоллари ҳам муносиб ҳисса қўшиб келмоқда. Қолаверса, истиқлол туфайли фуқаролик жамиятини ривожлантиришнинг ишончли таянчи ва таъсирчан кучи сифатида маҳалла институтини ҳар томонлама қўллаб-қувватлаш ва фаолиятини такомиллаштиришга алоҳида эътибор қаратилмокда. “Маҳалла” фонди ва ҳамкор ташкилотлар томонидан ушбу ноёб тузилманинг самарали фаолияти учун зарур шарт-шароитлар яратиш борасида амалга оширилаётган комплекс чора-тадбирлар натижасида ушбу институтнинг нуфузи йилдан-йилга ошиб, жамиятимизда юз бераётган ўзгариш ва янгиланишларнинг фаол иштирокчисига айланди.

Таъкидлаш лозимки, Қорақалпоғистон Республикаси, барча вилоятлар ва Тошкент шаҳрида энг намунали деб топилиб, танловнинг республика босқичида иштирок этган 14 маҳалла фуқаролар йиғини вакилларининг ҳудудларда амалга ошираётган ишлари, эришган ютуқлари, намунали иш тажрибаларига оид такдимоти замонавий ахборот технологияларидан фойдаланган ҳолда намойиш этилди.

Кўргазмада маҳаллаларнинг бунёдкорлик, ободонлаштириш, аҳолининг турмуш маданиятини юксалтириш борасидаги ишлари, “Кексаларни эъзозлаш йили” Давлат дастури ижросини таъминлаш, ёшлар тарбияси, ҳуқуқбузарликларнинг олдини олиш, аҳоли бандлиги каби маънавий-маърифий йўналишдаги фаолияти ҳақидаги стендлар, плакат ва фотоальбомлар, халқимизнинг тарихий, миллий қадриятлари, турмуш маданиятини акс эттирувчи ҳунармандлик, халқ амалий санъати буюмлари намойиш этилди.

ўолибларни аниқлашда иштирокчиларнинг иш фаолиятида эришган ютуқлари, ҳудудда амалга оширилган бунёдкорлик ва ободонлаштириш, аҳоли турмуш фаровонлигини юксалтириш, маънавий-ахлоқий муҳитни яхшилаш борасидаги ишларига алоҳида эътибор қаратилди. Фуқаролар йиғини раиси, котиби, диний маърифат ва маънавий-ахлоқий тарбия масалалари бўйича маслаҳатчиси, “Маҳалла посбони” жамоат тузилмаси сардорининг ҳуқуқий билими, фаолиятида дуч келадиган масалаларни қандай ҳал этиши синовдан ўтказилди.

Бир сўз билан айтганда, “Энг намунали фуқароларнинг ўзини ўзи бошқариш органлари” танлови жойларда маънавий муҳит барқарорлигини таъминлаш, миллий қадриятларни кенг тарғиб килиш, оила институтини янада мустаҳкамлаш, жойларда аҳоли, аввало, ёшлар ўртасида соғлом турмуш тарзини кенг қарор топтириш, жамиятда маҳалла институтининг ўрнини кенгайтириш, нуфузини янада ошириш бўйича ўзаро тажриба алмашиш мактаби сифатида ҳам аҳамиятли бўлди. Тадбир жараёнида улар фаолиятига оид фотоальбомлар, плакат ва стендлар, ҳунармандчилик ишлари, миллий либослар кўргазмаси ҳам намойиш этилди.

Танловнинг барча шартларида юқори ўринларни қўлга киритган фуқаролар йиғинларининг ходимлари махсус диплом ва “Маҳалла” хайрия жамоат фондининг қимматбаҳо совғалари билан тақдирланди.

Унга кўра, биринчи ўрин — Сирдарё вилоятидан “Юлдуз” маҳалла фуқаролар йиғини, иккинчи ўрин — Жиззах вилоятидан “Қипчоқ” маҳалла фуқаролар йиғини ва учинчи ўрин — Навоий вилоятидан “Қоровултепа” маҳалла фуқаролар йиғинига насиб этди.

Шунингдек, фуқароларнинг ўзини ўзи бошқариш органлари фаолиятига оид бир қатор йўналишлар бўйича номинациялар ғолиблари аниқланди.

Дилшод Очилов, “Қоровултепа” маҳалла фуқаролар йиғини раиси:

— Маҳалламизда жамоатчилик назоратини тўғри йўлга қўйиш орқали аҳоли бандлигини таъминлаш, янги иш ўринлари яратиш масалаларига алоҳида эътибор қаратиб келмоқдамиз. Хусусан, маҳалламизда жорий йилнинг ўтган даври мобайнида 52 нафар битирувчилар иш билан таъминланди, 30 нафарга яқин ёшлар ҳудуддаги тадбиркорларга уста-шогирд анъанаси асосида бириктирилди, 16 нафар битирувчиларга 86 миллион сўм миқдорида имтиёзли кредитлар олиб беришда амалий ёрдам кўрсатилди.

Шу билан бирга, ҳудудимиздаги барча ижтимоий-иқтисодий масалаларни ижобий ҳал қилишда ҳамда аҳоли, айниқса, ёшлар ва хотин-қизларнинг сиёсий-ҳуқуқий саводхонлиги, ижтимоий фаоллигини оширишда давлат органлари, сиёсий партиялар ва бошқа жамоат ташкилотлари билан мустаҳкам ҳамкорликни йўлга қўйганлигимиз ўз самарасини бермоқда.

Республикамизнинг барча ҳудудларидан келган ҳамкасбларимизнинг илғор тажрибаларини ўрганиш, ўзаро фикр алмашиш имконини берган бугунги танловда 3-ўрин билан тақдирланганимиз бизга янада катта масъулият юклайди. Аҳолини ижтимоий ҳимоя қилишга доир фаолиятимизни янада кучайтиришга ундайди.

Танлов ғолибларини тақдирлаш маросими таниқли санъаткорлар иштирокидаги концерт дастурига уланиб кетди.

Шунингдек, тадбир доирасида иштирокчилар Жиззах вилоятидаги намунали маҳалла фуқаролар йиғинлари ҳамда улардаги жамоатчилик тузилмалари фаолияти билан яқиндан танишиб, тажриба алмашишди. Жиззах шаҳрида амалга оширилаётган бунёдкорлик ишлари билан ҳам танишишди.

Илёс САХАТОВ,

«Adolat» мухбири

The post Йилнинг энг намунали маҳаллалари тақдирланди appeared first on Ўзбекистон "Адолат" социал-демократик партияси.

Узоқ ва бой тарихга эга бу гўзал воҳа бетакрор табиати, ранг-баранг табиий манзаралари, ноёб ва экзотик рельефи, ўзига хос иқлими билан ажралиб туради. Вилоят ҳудудидаги Молгузар, Қўйтош, Писталитоғ, ўўбдин каби тоғ ва тоғ ёнбағирларида бир-биридан мафтункор манзаралар — улкан даралар, қирлар ва сойликлар, арчазорлар, бодомзору ёнғоқзорлар, ўтлоқлар, музликлардан бошланган ирмоқлар, шаршаралар, шунингдек, бениҳоя мусаффо ҳаво киши кўнглига ажиб тароват, шукуҳ бағишлайди.

Истиқлол йилларида воҳанинг барча жабҳаларида кенг қамровли бунёдкорлик, яратувчанлик ишлари амалга оширилиб, ҳар бир соҳада улкан ютуқлар қўлга киритилди. Шаҳар ва туманларда, энг олис қишлоқларда ҳам замонавий таълим ва тиббиёт муассасалари, турли хизмат кўрсатиш шохобчалари, кўплаб ижтимоий объектлар бунёд этилди.

Ўтган йигирма тўрт йилга назар солар эканмиз, бу залворли йилларда Президентимиз раҳнамолигида мустақиллигимизнинг иқтисодий асосларини янада мустаҳкамлашга қаратилган энг муҳим стратегик дастурлар изчил амалга оширилганининг гувоҳи бўламиз. Айниқса, етакчи соҳаларни модернизация қилиш, илғор техника ва технологиялар билан таъминлаш, энг замонавий корхоналарни барпо этиш, кичик бизнес, хусусий тадбиркорлик ва фермерлик ҳаракатини бугунги кун талаблари асосида ривожлантириш борасида улкан ишлар бажарилмоқда.

Бугун ким билан суҳбатлашсангиз, уларнинг дилида-ю тилидаги сўзлар бирдай — юртимиз тинч, элимиз обод, дастурхонимиз тўкинлигидан мамнунлик, шукроналик ҳиссини англайсиз. Буни вилоятимизда истиқомат қилаётган 1 миллион 200 минг нафардан зиёд жиззахликлар мисолида ҳам кўриш мумкин.

Шуни алоҳида таъкидлаш жоизки, кейинги йилларда мавжуд имкониятлардан фойдаланган ҳолда тайёр маҳсулотлар ишлаб чиқариш ҳажмини оширишга, янги иш ўринлари яратиб, аҳолининг турмуш фаровонлигини янада яхшилашга, вилоятнинг иқтисодий салоҳиятини юксалтиришга катта эътибор қаратилмоқда.

Дарҳақиқат, вилоятимизда давлатимиз раҳбари томонидан иқтисодий ислоҳотларни жадал давом эттириш бўйича белгилаб берилган устувор вазифаларнинг ижросини таъминлаш борасида кўрилаётган чора-тадбирлар ўз натижасини бераяпти. Жорий йилнинг биринчи ярми якунларига кўра, вилоятда ялпи ҳудудий маҳсулот 109,2 фоизни, саноат маҳсулотларида — 112,9 фоизни, шу жумладан, ҳудудий саноатда — 117,0, ялпи қишлоқ хўжалиги маҳсулотларида — 106,1, пудрат ишларида — 111,1, чакана товар айланмаси — 120,5 фоизни ташкил этди. Бугунги кунда ҳудудимизда жами 1307 та саноат корхонаси мавжуд бўлиб, шундан, 18 тасини йирик, 1289 тасини кичик корхона ва микрофирмалар ташкил этади. Улар, асосан, кимё, машинасозлик, қурилиш соҳаларида, шунингдек, қишлоқ хўжалиги маҳсулотлари ва табиий ресурсларни қайта ишлаш ҳамда истеъмол моллари ишлаб чиқариш тармоқларида фаолият кўрсатаяпти. Ярим йилликда улар томонидан 525,9 миллиард сўмлик маҳсулотлар ишлаб чиқарилди. Маҳсулотларнинг 186 миллиард сўми ёки 37 фоизи ҳудудий корхоналар томонидан ишлаб чиқарилди. Саноат соҳасида қиймати 72 миллиард сўм бўлган 94 та лойиҳа амалга оширилди. Натижада вилоятда қўшимча 46 миллиард сўмлик маҳсулотлар ишлаб чиқариш имкони яратилиб, 1060 та иш ўринлари ташкил этилди ва 12 турдаги янги саноат маҳсулотлари ишлаб чиқариш йўлга қўйилди.

Вилоятда маҳаллийлаштириш дастурига киритилган “Жиззах аккумулятор заводи” акциядорлик жамияти, “Сэндвич Панел” масъулияти чекланган жамияти, “Иморат АДА” хусусий фирмаси, масъулияти чекланган жамияти шаклидаги “Евроазия Карпет” ва “Эталон Сангзор” қўшма корхоналарида маҳаллий хомашёдан фойдаланган ҳолда буюмлар ва материаллар ишлаб чиқариш бўйича тегишли лойиҳалар амалга оширилаяпти. Улар томонидан аккумуляторлар, сэндвич панеллар, полипропилен ип, юқори маркали қурилиш гипси ва мебель учун газлама ишлаб чиқарилмоқда. Ҳозирги кунда мазкур корхоналарда маҳаллий хомашё қайта ишланаяпти. Ушбу корхоналар томонидан ўтган 6 ойда 28.4 миллиард сўмлик маҳсулотлар ишлаб чиқарилиб, 35.7 миллион АҚШ долларлиги экспорт қилинган. Эътиборлиси, маҳаллийлаштириш эвазига 2.1 миллион АҚШ доллари миқдорида валюта иқтисод қилинишига эришилган.

Бугунги кунда мамлакатимизни модернизация қилиш ҳамда янгилашнинг ишончли таянчи бўлган мулкдорлар синфини шакллантиришда кичик бизнес ва хусусий тадбиркорлик соҳасининг муҳим аҳамиятини ҳеч нарса билан қиёслаб бўлмайди. Вилоятда жорий йилнинг биринчи ярми давомида 690 та янги тадбиркорлик субъектлари ташкил этилиб, бугунги кунда вилоятимиз бўйича уларнинг сони 9026 тага етди. Тадбиркорларга ўтган давр мобайнида 192 миллиард сўмлик кредитлар ажратилди. Бунинг натижасида 20086 та янги иш ўринлари яратилди.

Энг муҳими, халқимизда яхши яшашга, меҳнат қилишга бўлган иштиёқ тубдан ўзгарди. Юртдошларимиз яратилаётган имконият ва имтиёзлардан фойдаланиб, турмуш тарзини тобора янгилашга, ўз олдига катта мақсадларни қўйиб, уни амалга оширишга қатъият ва ишонч билан интилмоқда. Кўплаб соҳаларда фидойилик намуналарини кўрсатаётган партиядошларимиз ҳам вилоятни ижтимоий-иқтисодий ривожлантиришга қаратилган кенг кўламли саъй-ҳаракатларда фаол иштирок этмоқдалар.

Рустам ТЎЙЧИЕВ,

Ўзбекистон “Адолат” СДП Жиззах вилоят кенгаши раиси

The post Бугуни обод, эртаси нурафшон appeared first on Ўзбекистон "Адолат" социал-демократик партияси.

Ўзбекистон “Адолат” СДПнинг “Ватан келажаги ёшлар қўлида” ижтимоий лойиҳаси доирасида Жиззах вилояти партия Кенгаши ташаббуси билан “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида” ги Президент қарори ижроси бажарилиши ҳамда ёш авлоднинг сиёсий онгини оширишда партиянинг фаол иштирокини таъминлаш мақсадида Жиззах давлат Педагогика институти қошидаги 2-сон академик лицейда “Депутат ёшлар даврасида” мавзусида давра суҳбати ўтказилди.

Тадбирда партиянинг вилоят Кенгаши раиси ўринбосари Д.Жўраева, партиянинг шаҳар Кенгаши раиси Ў.Жуманов, Халқ депутатлари Жиззах шаҳар Кенгаши депутати Д.Хакимова, партия фаоллари, оммавий ахборот воситалари вакиллари  қатнашдилар.

Тадбирдан кўзланган мақсад конституциямиз ва қонунларимиз асосида қизғин курашлар руҳида бўлиб ўтган сайловларда эл-юртимизнинг ишончини қозониб, депутат деган юксак шарафга сазовор бўлган халқ вакиллари билан очиқ мулоқотни ташкил этиш, шунингдек ёшларга доир қонунлар, Президентимиз ва ҳукуматимиз томонидан қабул қилинган фармон ва қарорлар, уларнинг ижроси билан таништиришдан иборат.

Д.Жўраева, партиянинг вилоят Кенгаши раиси ўринбосари:

Давра суҳбати давомида Халқ депутатлари шаҳар Кенгаши депутати Д.Хакимова “Сиёсий партиялар тўғрисида”ги Ўзбекистон Республикаси Қонунида белгиланган халқ депутатлари маҳаллий кенгашларидаги партия гуруҳларининг мақоми ва ҳуқуқлари, “Халқ депуталари вилоят, туман ва шаҳар Кенгаши депутатининг мақоми тўғрисида”ги Ўзбекистон Республикаси Қонуни хусусида талабаларга тушунчалар берди.

Давра суҳбати талабалар томонидан берилган саволлар орқали бахс-мунозарага айланиб кетди. Иштирокчилар ўзларини қизиқтирган барча саволларга жавоб олдилар. Тадбир сўнгида иштирокчиларга партиянинг сайловолди дастури ва партия фаолиятини акс эттирувчи буклетлар тарқатилди.

Жасур Қаршиев,

Ўзбекистон “Адолат” СДП

Жиззах вилояти Кенгаши

матбуот котиби

The post Депутат ва ёшлар учрашуви appeared first on Ўзбекистон "Адолат" социал-демократик партияси.

Ўзбекистон “Адолат” СДП Жиззах вилояти Кенгашида “Партия Сиёсий Кенгаши хужжатларида белгиланган вазифаларни ижро этишда Ўзбекистон “Адолат” СДП шаҳар ва туман Кенгашлари олдида турган долзарб вазифалар” мавзусида ўқув семинар бўлиб ўтди. Унда вилоят Кенгаши ходимлари, шаҳар ва туман Кенгаши раислари, Халқ депутатлари вилоят, шаҳар, туман кенгаши депутатлари иштирок этишди. Семинарда Ўзбекистон “Адолат” СДП вилоят Кенгаши раиси Р.Тўйчиевнинг “Адолат – ҳаётимизнинг бош мезони, адолат – ҳар бир инсон учун” сайловолди дастурини амалга ошириш бўйича комплекс амалий ҳаракатлар Дастурини бажариш тўғрисида сўз юритди. Шунга мувофиқ сайловолди дастурини амалга ошириш чора-тадбирларида белгиланган бандларининг вилоят партия Кенгашида жорий йилнинг 9 ойи давомидаги бажарилиши кўриб чиқилди. Дастурнинг ижросида партиянинг шаҳар ва туман Кенгашлари ва депутатлик гуруҳлари томонидан олиб борилган ишлар натижалари ўрганилди.

Ўқув семинарда вилоят партия Кенгаши олдида турган бир қатор вазифалар, хусусан, комплекс амалий ҳаракатлар Дастуридан келиб чиқиб Жиззах вилояти Кенгашининг чора-тадбирлар режаси бандларининг ижросини тўлиқ таъминлаш, дастур бўйича тушунтириш, тарғибот-ташвиқот ишларини олиб бориш, депутатлик гуруҳлари билан фаолиятни мустаҳкамлаш бирламчи вазифа эканлигини билдириб ўтди. Сайловолди дастурнинг самарали бажарилишини таъминлаш мақсадида вилоят партия Кенгаши томонидан бир қатор чора-тадбирлар белгиланганлиги юзасидан маълумотлар берилди.

Семинарда вилоят партия Кенгаши раис ўринбосари Х.Шариповнинг партия Сиёсий Кенгаши хужжатларида белгиланган вазифаларни ижро этишда Ўзбекистон “Адолат”СДП шаҳар ва туман Кенгашлари олдида турган долзарб вазифалар, шунингдек, вилоят Кенгашининг 2015 йилга мўлжалланган иш режаси бандларини бажарилиши юзасидан ахбороти  тингланди.

Партия Сиёсий Кенгаши Марказий аппаратидан келган хужжатлар  ижроси юзасидан партиянинг дастурий вазифалари ҳамда белгиланган устувор йўналишларни бажариш, вилоят партия Кенгашининг тадбирлар режаси асосида – мамлакатимизда хуқуқий демократик давлат қуриш ва кучли фуқаролик жамиятни шакиллантиришда ёшлар сиёсий фаоллигини ошириш, сиёсий  қарорларини қабул қилиш жараёнида уларнинг иштирокини таъминлаш, Ўзбекистон Республикасининг “Давлат бошқарувини янгилаш ва янада демократлаштириш ҳамда модернизация қилишда сиёсий партияларнинг ролини кучайтириш тўғрисида”ги Конституциявий Қонуни, Ўзбекистон Республикаси Президенти Ислом Каримовнинг Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси”даги кўрсатмаларни бажариш, Концепция бўйича тушунтириш-тарғибот ишларини олиб бориш юзасидан бошланғич партия ташкилотларда, маҳаллаларда давра суҳбатлари, учрашувлар белгиланиб, ўтказилган тадбирлар натижаси юзасидан ўз фикр-мулоҳазаларини билдириб ўтди.

Шунингдек, сиёсий партиянинг кадрлар салоҳияти, сон ва сифат таркиби, кадрлар фаолияти, малака ошириш, фаол хотин-қизлар ва ёшлар қанотлари вакилларини кадрлар захирасига киритиш каби дастурий вазифалар, маҳаллий партия Кенгашлари раисларининг меҳнат самарадорлигини ошириш ва такомиллаштириш, партия тизимида ижро интизомини мустаҳкамлаш  бўйича олиб борилган  мониторинг натижалари тўғрисида маълумотлар тингланди.

Мазкур ўқув семинардаги маъруза ва савол-жавоблар депутатларнинг малака даражаси  ва профессионал савиясини оширишга замин яратди. Тадбирда илгари сурилган депутатлик гуруҳлари фаолиятини ташкил қилиш меҳанизмлари барча маҳаллий Кенгаш депутатлари учун долзарбдир. Зеро, жойларда қонунлар ижроси устидан депутатлик назоратини ташкил этиш, депутатларнинг партия органлари олдида ҳисобдорлигини ошириш, халқ депутатлари маҳаллий кенгашлари сессияларида масалалар кўриб чиқиш ва қарорлар қабул қилишдаги иштирокини кенгайтириш депутатнинг халқ олдидаги мақоми ва обрўсини оширувчи омиллардан биридир.

   Жасур Қаршиев,

Ўзбекистон “Адолат” СДП

Жиззах вилоят Кенгаши

                                                   матбуот котиби

The post Сиёсий ўқувларда асосий эътибор фаолиятни такомиллаштиришга қаратилди appeared first on Ўзбекистон "Адолат" социал-демократик партияси.

Фан-техника тараққиёти жадаллашгани сари инсоннинг атроф-муҳитга бўлган муносабатлари ҳам борган сари фаоллашиб, у табиий бойликларни ишлаб чиқаришга бугун кечагидан, эртага эса бугунгидан кўпроқ ҳажмда жалб қилиш ҳаракатида меҳнат қилади. Табиатдан бойликларни тортиб олиш ва улардан инсоният эҳтиёжига кўпроқ сарф қилиш кучайган сари минг йиллар давомида барқарор бўлиб келган экологик мувозанат бузилиб, инсон билан табиат ўртасидаги муносабат мураккаблашиб, табиий ҳолат фалокат ёқасига келиб қолди. Бу эса ўз навбатида у ёки бу экологик муаммоларнинг келиб чиқишига сабаб бўлмоқда.

Шу муносабат билан Ўзбекистон “Адолат” СДП Жиззах вилоят Кенгаши ташаббусида Жиззах туман Халқ таълими муассасалари  фаолиятини методик таъминлаш ва ташкил этиш бўлимига қарашли 11-сон умумтаълим мактабида партиянинг “Ватан келажаги ёшлар қўлида” ижтимоий лойиҳаси доирасида “Тоза табиат – соф келажак учун”  мавзусида иншолар танлови бўлиб ўтди. Тадбирда  вилоят Кенгаши масъул ходимлари, партиянинг туман Кенгаши раиси Э.Абдурасулов, мактаб педагог ходимлари ҳамда ўқувчилар қатнашдилар.

Иншолар танловини айнан ёш авлод вакиллари ўртасида ўтказишдан мақсад келажагимиз эгаларининг она-табиатга меҳр, атроф-муҳитга дахлдорлик ҳиссини ошириш, табиат неъматларидан эҳтиёжга яраша фойдаланишни улар онгига сингдириш ҳамда мурғак қалбларнинг табиатга муносабатини қай даражада эканлигини билишдан иборат.

Тадбирда сўз олган вилоят партия Кенгаши раис ўринбосари Д.Жўраева табиат бойликларининг маҳсулдорлигини ва табиий шароитнинг инсон учун қулайлигини сақлаб қолиш учун улардан эҳтиёжга яраша меъёрида фойдаланишни ҳамма жойда амалга ошириш, табиатни изчиллик билан бойитиб бориш, унинг компонентлари ўртасидаги ўзаро табиий мувозанатни барқарор сақлаб туриш зарурлиги хусусида фикр юритди.

Танлов иштирокчиларининг ижодий ишлари мактабнинг она-тили ва адабиёт фани ўқитувчиси Дилором Зуҳурова бошчилигида кўриб чиқилди ҳамда муносиб баҳо берилди. Ижодий ишларда болалар она табиатга бефарқ эмасликлари, уни кўз қорачиғидай асрашга доим тайёр эканликлари тадбир ташкилотчиларининг эътиборини тортди. Тадбир якунида она-табиатимиз ишончли қўлларда эканига амин бўлдик.

Жасур ҚАРШИЕВ,

Ўзбекистон “Адолат” СДП

Жиззах вилоят Кенгаши матбуот котиби

The post Тоза табиат – соф келажак учун appeared first on Ўзбекистон "Адолат" социал-демократик партияси.

Ўзбекистон “Адолат” СДП “Ислоҳот ислоҳот учун эмас, аввало инсон учун” тамойилига амал қилган ҳолда мамлакатимизни демократик янгилаш ва модернизация қилиш жараёнларида фаол иштирок этиб, аҳолининг кенг қатламлари орасида обрў-эътиборга эга бўлиб бормоқда.

Унинг партиялар орасида тутган мавқеини янада ошириш, ўз ўрнига эга бўлишини таъминлашда ёшларнинг ўрни алоҳида. Шу сабабли ҳам партия томонидан ўтказилиб келинаётган турли тадбирлар, кўрик-танловлар, тарғибот- ташвиқот ишларида ёшлар ўз фаоллиги билан алоҳида аҳамият касб этиб келмоқда.

Барчамизга маълумки, сиёсий ҳаёт барқарорлиги ва ижтимоий тараққиёт фақат тадбиркорлар ва ёлланма ходимларнинг ҳамкорлиги ҳамда шериклиги асосида таъминланади ва бунда улар ўзаро манфаатларини ҳисобга олишлари шарт. Шу билан бирга бугунги кунда тадбиркорлар, ўз ходимлари учун зарур ижтимоий, технологик таълим шароитларини яратишга масъул, чунки бусиз иқтисодий тараққиётни тасаввур этиб бўлмайди. Шу сабабли “Адолат” СДП фаолиятида ёшларнинг фаоллигини янада ошириш, “Ёш адолатчилар”  қаноти фаолиятини ривожлантириш, унга янгилик киритиш лозим. Масалан, “Ёш адолатчилар” учун ҳафтанинг маълум кунини белгилаб, белгиланган мавзуларда муҳокамалар ўтказиш, етакчилик қобилиятига эга бўлган ёшларни аниқлаш, партия томонидан ўтказиладиган тадбирларда иштирок этишга таклиф этиш ва уларни рағбатлантириш лозим. Бу эса ёшларни фаолликка, лидерлик қобилиятини шакллантиришга, ўтказиладиган тадбирлaрда иштирокини таъминлашга, ёшларни янада жалб қилиш, партиянинг ёшлар ҳаётидаги аҳамиятини ошириш, партия аъзоларининг сонини оширишга хизмат қилади.

Дебат ярим йил учун мўлжалланиб, муҳокамага қўйилган мавзулар партия фаолиятига оид ва ихтиёрий тарзда танланади. Масалан, “сиёсий имиджни яратиш”, “бизнес режа тузиш”, “шахсий бизнесни ривожлантириш”, “ташкилотларда ахборот хизматларининг ўрни”, кабилар. Унда фаол бўлган ўқувчилар сўнгги ойда тақдирланадилар.

Мукофотланган ўқувчи ёшлар “Адолат” СДПнинг ёшлар қаноти ташаббуси билан ўтказиладиган барча тадбирларда ўз фикрлари ва презинтацияси билан иштирок этади. Бу уларнинг қизиқишини, партия аъзоларининг сонини ошишига хизмат қилиш билан бирга, партия фаолиятида ёшларнинг ўзига хос ўрни бор эканлигини билдиради.

Хулоса ўрнида шуни айтишим мумкинки, ҳеч бир нарсани майда санамаслик лозим. Зеро, тоғлар ҳам майда тошлардан ташкил топади.

Маърифат МАВЛОНОВА,

“Адолат” СДП фаоли

The post Янги ғоя, янги фикр янгича ёндашув тараққиётни кафолатлайди appeared first on Ўзбекистон "Адолат" социал-демократик партияси.

Депутатларнинг сиёсий фаолият доирасида амалга ошираётган ишларини холис баҳолашда ва электорат манфаатларидан келиб чиққан ҳолда уни янгича мазмун-мақсадлар билан бойитишда уларнинг сайловчилар билан учрашувлари ҳал қилувчи аҳамият касб этади.

Олий Мажлис Қонунчилик палатасидаги Ўзбекистон “Адолат” социал-демократик партияси фракцияси аъзолари ҳам ўз сайлов округларида сайловчилар билан учрашиб, фуқароларни парламент фаолиятидан кенгроқ хабардор этиш баробарида қабул қилинаётган қонунлар жамият тараққиёти ва аҳоли турмуш фаровонлигини таъминлашга, кичик бизнес ва хусусий тадбиркорликни ривожлантиришга, ҳуқуқий демократик давлатчилигимиз асосларини янада мустаҳкамлашга йўналтирилаётганлигини таъкидламоқдалар ҳамда фуқароларни қизиқтираётган кўплаб саволларга жавоб қайтариб, уларни ўйлантираётган масалаларга эътибор қаратмоқдалар.

Жиззах. 32-Ғаллаорол сайлов округидан Олий Мажлис Қонунчилик палатасига сайланган депутат Тўлқин Абдусатторов ўаллаорол ва Бахмал туманларида сайловчилар билан ўтказган учрашувларда ижтимоий соҳа муассаларидаги муаммолар ва уларнинг ечимларига асосий эътиборини қаратди.

Ғаллаорол туманидаги “Мирзабулоқ”, “Маданият” қишлоқ фуқаролар йиғинларида, Бахмал туманидаги “Гулбулоқ”, “Дўсмат”, “Шодмон” ҚФЙлар худудидаги қишлоқ врачлик пунктларида ўтказилган учрашувларда мактаб, мактабгача таълим муассасаларини тиббий анжомлар, зарур дори воситалари билан таъминлаш, соғлиқни сақлаш тизимида қабул қилинаётган қонунларни ҳаётга татбиқ этиш ва бу борадаги мавжуд муаммолар юзасидан фикрлашув ва савол-жавоблар бўлиб ўтди. Шунингдек, мулоқотлар чоғида парламентдаги қонун ижодкорлиги жараёни, қабул қилинаётган янги қонунлар ҳақидаги ахборотларни сайловчилар қизиқиш билан тингладилар.

Маҳалла фаолларидан Собир Ҳамроев, Аъзам Абдуолимов, Асат Жўлбоевлар фарзандларнинг соғлом ўсишида муҳим ўрин тутувчи болалар учун янги спорт майдончаси барпо этиш, мактаб, мактабгача таълим муассасаларининг иситиш тизимидаги айрим муаммолар хусусида таклифларини билдиришди.

Сайловчилар таълим, соғлиқни сақлаш, уй-жой коммунал хўжалигига оид масалалар бўйича депутатга мурожаат этишди. Бахмал туманидаги ижтимоий, иқтисодиёт касб-ҳунар коллежлари ўқувчилари ва ўқитувчилари қатнашган учрашув-мулоқотда коллеж битирувчилари билан тузилаётган уч томонлама шартномаларнинг ижроси, олдинги йилларда бу борада юзага келган айрим муаммолар юзасидан ҳам савол-жавоблар бўлди.

Шунингдек, депутат ўз сайлов округида ишлаш жараёнида қабул қилинаётган қонунларнинг жойлардаги ижроси, яна қандай янги қонун ва тегишли нормаларга эҳтиёж сезилаётгани, электорат вакилларини ўйлантираётган муаммолар билан боғлиқ масалаларни ҳам ўрганди.

Самарқанд. Олий Мажлис Қонунчилик палатасига 60-Самарқанд сайлов округидан сайланган депутат Шуҳрат Полвоновнинг сайловчилар билан мулоқотлари ҳам икки томонлама фойдали таклифларга бой бўлиб, электоратнинг ҳаётий манфаатларини янада теран илғаб олишга ва зарур хулосалар чиқаришга хизмат қилмоқда.

Депутатнинг Самарқанд шаҳридаги “Сафеди” маҳалласида бўлиб ўтган учрашуви чоғида кучли фуқаролик жамиятини шакллантиришга хизмат қилаётган қонунлар моҳияти, давлат ҳокимияти ва бошқарув идораларининг фуқаролар билан ўзаро очиқлик ва шаффофликка асосланган муносабатлари, “электрон ҳукумат”ни жорий этишдан кўзланган мақсад-вазифалар ҳақида сўз борди.

Депутат Шуҳрат Полвонов сайловчиларга фракция томонидан муҳокама этилаётган ҳар битта қонун лойиҳаси, амалдаги қонунларга киритилаётган ўзгартиш ва қўшимчалар партия дастуридаги ғояларни қамраб олаётганлигини ва у жамият тараққиётини тезлаштиришга, иқтисодиётда ҳам, ижтимоий ҳаётда ҳам адолат мезонларини қарор топтиришга, ҳар бир оиланинг, ҳар бир шахснинг қобилият, иқтидорини тўлароқ рўёбга чиқаришларига хизмат қилаётганлигини алоҳида таъкидлади.

Мулоқот чоғида сайловчилардан Жўрақул Ҳамидов, Эргаш Умаров депутатга йўлсозлик, коммунал ва алоқа соҳасида хизматларни янада такомиллаштириш, мавжуд муаммоларни бартараф этиш, бу борада депутатлик назоратини кучайтириш зарурлиги ҳақида ўз фикрларини баён этишди.

Шуҳрат Полвоновнинг бу каби самимий учрашув-мулоқотлари Нуробод, Пастдарғом ва Самарқанд туманларидаги сайлов округи таркибига кирувчи ҳудудларда ҳам бўлиб ўтди.

Қонунчилик палатаси депутати Алишер Махматмуродовнинг Самарқанд туманидаги “Равонак” миллий ҳунармандчилик касб-ҳунар коллежида сайловчилар билан бўлиб ўтган учрашуви ижтимоий ҳимояланган бозор иқтисодиёти шароитида қишлоқда яшаб моддий неъматлар ишлаб чиқараётган, аграр соҳани тараққий топтириш баробарида юрт фаровонлигини таъминлаётган кишиларга ижтимоий пакетлардан мумкин қадар тўлароқ фойдаланиш, уларнинг кичик бизнес ва хусусий тадбиркорлик билан шуғулланишлари учун янада кенг имкониятлар яратишга мўлжалланган қонунлар моҳиятини тарғиб этишга қаратилди.

— Бугун қишлоқда ишлаб чиқаришни молиявий қўллаб-қуватлаш, зарур инфратузилма ва янги иш ўринлари яратилишига кўмаклашиш, суғориш-мелиорация тизимини такомиллаштириш, аграр соҳани техник жиҳатдан модернизациялашнинг мустаҳкам ҳуқуқий базаси вужудга келтирилган, — деди А.Махматмуродов. — Бу эса юксак сифат ва самарадорликка эришишнинг кафолати бўлмоқда. Амалий натижалар ҳар битта оиланинг турмушида, унинг моддий эҳтиёжлари ҳал этилаётганида яққол кўриниб турибди.

Мулоқот чоғида сайловчилардан Лола Ибрагимова, Қудси Самиев, Саме Исломов ва бошқалар депутатга ўзларини қизиқтирган саволлар билан мурожаат қилдилар.

Депутат Алишер Махматмуродовнинг сайловчилар билан шундай самимий мулоқотлари Ургут туманидаги тиббиёт бирлашмаси, тиббиёт коллежи ва бошқа меҳнат жамоаларида ҳам бўлиб ўтди.

М.Исмоилов, З.Тўрақулов,

“Adolat” мухбирлари

The post Замон билан ҳамқадам, халқ билан ҳамнафас appeared first on Ўзбекистон "Адолат" социал-демократик партияси.

Бош қомусимизда умуминсоний қадриятлар асосида диний бағрикенглик, хилма-хил диний эътиқоддаги ёки бирор динга эътиқод қилмайдиган фуқароларнинг тенглиги белгилаб қўйилганлиги барча кишиларнинг бир замин, бир ватанда, олижаноб ғоя ва мақсадлар йўлида ҳамжиҳат яшашларини таъминламоқда.

Ўзбекистон Республикаси Конституциясининг 31-моддасидан

Жиззах вилояти адлия бошқармаси томонидан 246 та нодавлат нотижорат ташкилот ҳамда 179 та диний ташкилот давлат рўйхатига олинган бўлиб, уларга ўз фаолиятини амалга ошириши ва мамлакат ҳаётида фаол иштирок этиши учун ҳамма шарт-шароитлар яратилган. Ўзбекистон Республикаси Конституцияси, “Виждон эркинлиги ва диний ташкилотлар тўғрисида”ги қонунга мувофиқ фаолият олиб бораётган мазкур диний ташкилотлар вакиллари эркин ва фаровон ҳаётимизда, юртимиз равнақ топишида фаол иштирок этаётир.

Шу мақсадда диний ташкилотлар республика миллий-маданий марказларининг вилоятдаги филиаллари билан биргаликда ўтказилаётган “Биз — ягона оила фарзандларимиз” байналмилал дўстлик фестивалларида, байрамларда, ёшларни миллатлараро тотувлик руҳида тарбиялашга бағишланган маърифий тадбирларда фаоллик кўрсатишмоқда. Айниқса, кейинги йилларда ёшларни жамиятимизга зид турли зарарли ғоялардан асрашда ҳам мунтазам иштирок этишмоқда.

Маҳаллаларда, ўқув юртларида, муассасаларда ўтказилаётган маърифий тадбирларда қатнашаётган диний бирлашмалар вакиллари мамлакатимизда миллатлар ҳамда диний конфессиялар ўртасида мустаҳкам қарор топган ўзаро тинчлик ва тотувликнинг, байналмилалчиликнинг аҳамиятини алоҳида эътироф этишмоқда.

Жорий йилнинг ўтган даврида виждон эркинлиги ва диний бағрикенглик, ёшларни жамиятимизга ёт ғоялардан асрашга бағишлаб ўтказилган бир қатор маърифий тадбирларда вилоятимизда фаолият кўрсатаётган диний ташкилотлар ходимлари қатнашдилар. Бундай тадбирларда улар сўзга чиқиб, мамлакатимизда қарор топган диний бағрикенглик нафақат диндорлар, балки бутун жамият аъзоларининг эзгулик йўлидаги ҳамкорлиги, миллатлараро тотувлиги, юртимизнинг тинчлиги ва осойишталигини мустаҳкамлашнинг муҳим шарти эканлигини алоҳида таъкидлашди.

Ҳуқуқий демократик давлат барпо этиш сари дадил олға бораётган мамлакатимизда барча динлар вакилларига тенг имкониятлар яратиб берилгани, диний ташкилотлар билан муносабатларнинг қонун асосида, уларнинг ҳақ-ҳуқуқларини ҳурмат ва ҳимоя қилиш негизида олиб борилаётгани эътиқод эркинлигини амалда таъминламоқда. Буни турли динларга эътиқод қилувчи фуқароларнинг ибодат, расм-русмлар ва маросимларни биргаликда адо этиш мақсадида тузилган бирлашмалари эркин фаолият кўрсатаётганида ҳам яққол кўриш мумкин.

Конституция ва қонунларда фуқароларнинг ҳар қандай уюшмалари каби диний бирлашмаларнинг ҳам ўз ҳуқуқлари билан бирга мажбуриятлари ҳам белгилаб берилган.

Жорий йилнинг ўтган даврида вилоят адлия бошқармаси томонидан вилоятдаги 17 та нодавлат нотижорат ва диний ташкилотлар фаолияти мониторинг қилинди. Ўтказилган мониторинглар якуни бўйича аниқланган қонун бузилишлари юзасидан 15 та тақдимнома ва 2 та огоҳнома киритилди.

Шунингдек, рўйхатга олинган диний ташкилотларнинг чораклик ҳисоботлари бошқармамиз томонидан ўрганилиб, таҳлил қилиниб борилмоқда. Ҳисоботларни ўрганиш, таҳлил қилиш натижалари бўйича диний ташкилотларга 57 та огоҳнома ва 42 та тақдимнома киритилди.

Адлия бошқармаси томонидан диний ташкилотлар низомларини давлат рўйхатидан ўтказиш ва устав фаолиятига амал қилишларини ўрганиш билан биргаликда уларга янги қонунларни тарғиб қилиш, диний ташкилотлар бинолари, ҳовли атрофлари озодалигига, саранжом-саришталигига, санитария-гигиена ҳолатларига ҳам катта эътибор қаратилмоқда. Бу йўналишда фуқароларнинг ўзини ўзи бошқариш органлари билан яқин ҳамкорлик қилинаётир.

Ўзбекистон Республикаси Конституцияси қабул қилинганининг 23 йиллиги муносабати билан фуқаролар ўртасида виждон эркинлиги ва диний эътиқод мавзусида маърифий тадбир ўтказишга алоҳида эътибор қаратаяпмиз. Шу мақсадда диний ташкилотлар ходимлари иштирокида Бош қомусимиз ҳамда “Виждон эркинлиги ва диний ташкилотлар тўғрисида”ги қонуннинг мазмун-моҳиятига доир мавзуларда учрашувлар ва давра суҳбатлари ўтказилмоқда.

Шароф ЭШИМОВ,

Жиззах вилояти адлия бошқармаси масъул ходими

The post Виждон эркинлиги ва диний бағрикенглик тамойиллари амалда appeared first on Ўзбекистон "Адолат" социал-демократик партияси.

Ҳозирда партиянинг барча ҳудудий Кенгашларида Ўзбекистон “Адолат” СДПнинг Аёллар қаноти томонидан жорий этилган “Партиянинг оқила аёли-2015” кўрик-танловининг вилоят босқичи ўтказилмоқда. Ушбу кўрик-танловнинг Жиззах вилояти босқичида  вилоятимизнинг барча туманларидан келган вакиллар белгиланган шартлар бўйича ўз қобилият ва имкониятларини намоён этдилар.

Дастлабки таништирув шартида иштирокчилар туғилиб-ўсган жойини, гўзал манзарасини, шу кунгача эришиб келган ютуқлари ҳақида таништирдилар. Сиёсий билимдонлик шартида эса ҳар бир иштирокчи юртимизда амалга оширилаётган сиёсий жараёнлардан қанчалик хабардорлигини намоён этган бўлса, охирги босқичда ўз қобилиятларидан келиб чиққан ҳолда рақс, шеър ҳамда гўзал куй-қўшиқлар ижро этдилар.

Ўтказилган ушбу тадбир, ҳар бир иштирокчининг  нотиқлик ҳамда ижодкорлик қобилиятини очиб берди.

Ҳайъат аъзолари Низомда белгиланган талаблардан келиб чиқиб, иштирокчиларнинг жамият ҳаётида тутган ўрни, амалга оширган ишларига алоҳида эътибор қаратишди.

Учта шарт бўйича барча имкониятини ишга солган иштирокчилар ҳакамлар томонидан баҳоланди. Натижаларга кўра, Жиззах вилояти, Жиззах шаҳри Жиззах давлат педагогика институти қошидаги 2 сонли академик лицей ўқитувчиси,  ижтимоий гуманитар фанлар кафедраси мудираси Дилбар Ҳакимова 1 ўрин,  Ғаллаорол тумани, “Камолот” ЁИҲ етакчиси Мавлуда Ҳайдарова 2 ўрин, Зафаробод тумани Майиший хизмат кўрсатиш Касб-ҳунар коллежи ўқитувчиси Чарос Муродова 3 ўрин соҳибаси деб эълон қилинди ҳамда партиянинг эсдалик совғалари билан тақдирланди.

Дилбар Ҳакимова, 1 ўрин ғолибаси:

Танловда иштирок этган иштирокчилар партиянинг эсдалик совғалари билан рағбатлантирилди.

Маърифат МАВЛОНОВА,

Ўзбекистон “Адолат” СДП Жиззах вилояти Кенгаши матбуот котиби

The post “Адолат”нинг оқила аёллари appeared first on Ўзбекистон "Адолат" социал-демократик партияси.

Жиззах Политехника институтида Ўзбекистон Республикаси Конституциясининг 23 йиллигига бағишланган “Биз танлаб олган тараққиёт йўли конституциявий асосга эга” мавзусида учрашув бўлиб ўтди.

Тадбирда Ўзбекистон “Адолат” СДП Жиззах вилояти Кенгаши раиси ўринбосарлари Ҳ.Шарипов ва Н.Жўраева,  Жиззах Политехника институти маънавий-маърифий ишлар бўйича проректори Н.Алимов, институтнинг порфессор-ўқитувчи ва талабалари иштирок этдилар.

Тадбирдан кўзланган мақсад Конституция тарихига назар ташлаш, унда белгиланган инсон ҳуқуқлари, унинг манфаатлари ва эркинликларини устувор вазифа этиб белгиланганлиги, инсон ҳуқуқларини янада мустаҳкамлаш, ижтимоий ва иқтисодий соҳаларни янада ривожлантириш мақсадида амалга оширилаётган ишларни йиғилганлар билан ўртоқлашдилар.

Тадбирда сўз олган Ўзбекистон “Адолат” СДП вилоят Кенгаши раисининг 1-ўринбосари Ҳ.Шарипов Ўзбекистон халқи инсон хуқуқлари ва давлат суверенитети ғояларига содиқлиги, халқаро ҳуқуқнинг умумэътироф этилган қоидаларининг  устунлиги, фуқароларнинг муносиб ҳаёт кечиришларини таъминлашга интилиб, инсонпарвар, демократик ҳуқуқий давлат барпо этишни кўзлаб, фуқаролар тинчлиги ва миллий тотувлигини таъминлаш мақсадида амалга оширилаётган ишлар тўғрисида гапириб ўтди.

Шунингдек, Политехника институти катта ўқитувчиси Мавлуда Холбекова конституциянинг тарихи ва киритилган ўзгартиришлар бўйича маъруза қилди.

Tадбир сўнгида иштирокчилар мавзу юзасидан ўз фикр-мулоҳзаларини билдирди.

Маърифат МАВЛОНОВА,

Ўзбекистон “Адолат” СДП

Жиззах вилоят Кенгаши матбуот котиби

The post Биз танлаган тараққиёт йўли конституциявий асосга эга appeared first on Ўзбекистон "Адолат" социал-демократик партияси.

Халқ депутатлари Жиззах вилояти Кенгашидаги партия депутатлик гуруҳи аъзолари ўз олдига қўйган мақсад ва вазифаларини сидқидилдан адо этиб, ҳудуддаги мавжуд муаммо ва камчиликларни ўрганиш ва бартараф этишга ўз ҳиссаларини қўшиб келмоқдалар.

Бу борада турли тадбирлар, учрашувлар ўтказилиб, фуқароларнинг саволларига жавоб бериш билан бирга уларни ўйлантириб келаётган муаммоларни ижобий ҳал этишга кўмаклашиб келмоқда. Агар буни рақамлар мисолида кўрадиган бўлсак, ҳозирги кунгача депутатлик гуруҳимиз номига 40 дан ортиқ ариза, шикоят ва турли мазмундаги хатлар келиб тушган. Шундан тегишли ташкилот ва муассасаларга 31 та депутатлик сўрови киритдик. Улардан 22 таси ўз вақтида қонун доирасида ижобий ҳал этилди, 9 та депутатлик сўрови юзасидан ўрганишлар давом этмоқда.

Ушбу мурожаатлар асосан фуқароларни тиббий кўрикдан ўтказиш, туманларда ичимлик суви билан таъминлаш, савдо шохобчалари қуриш, асосий йўллар атрофини ободонлаштириш, шаҳар ва қишлоқларда йўналиши белгиланган микроавтобуслар қатновини йўлга қўйиш каби масалаларни қамраб олган.

Депутатлик гуруҳимиз аъзолари мурожаатларни қонуний тартибда ўрганиб, фуқароларга амалий ёрдам кўрсатиб келишмоқда. Хусусан, Жиззах тумани “Олмачи” маҳалласидаги ҚВП учун янги бино барпо этилишида шундай кўмак берилиб, маҳалла аҳолисига кўрсатиладиган тиббий хизмат сифати тубдан яхшиланди.

Депутатлик гуруҳимиз аъзолари Ўзбекистон “Адолат” СДПнинг Сайловолди дастуридан келиб чиқиб ва сайловчиларнинг мурожаатлари асосида “Фермер хўжаликларининг ер майдони ҳажмларини мақбуллаштириш бўйича амалий ёрдам кўрсатиш” юзасидан депутатлик назоратини ташкил этиш мақсадида ҳудудларга бириктирилган ҳолда фермер хўжаликларининг фаолияти юзасидан мониторинг ўтказдилар.

Бахмал, ўаллаорол, Мирзачўл, Жиззах, Дўстлик, Янгиобод туманларида ўтказилган мониторинг натижаларига таяниб шуни айтиш мумкинки, айрим фермер хўжаликларида пахта ва ғалла ҳосилдорлиги бўйича паст кўрсаткич кузатилмоқда, уларнинг бир қанчаси таъминотчи корхоналардан турли миқдорларда қарздор бўлиб қолишган. Масалан, Дўстлик туманида 100 дан зиёд фермер хўжаликларининг таъминотчи корхоналардан қарздор эканлиги аниқланди.

 Шунингдек, мониторинг давомида жойларда фуқароларнинг фикр-мулоҳазалари ҳам ўрганилди. Янгиобод тумани “Баландчақир” маҳалласида сайловчилар билан ўтказилган суҳбатда фермер хўжаликларининг ер майдони ҳажмларини мақбуллаштиришда янгидан ташкил этилаётган фермерларга бошланғич бадални тўламаслик, уларга тупроғи ҳосилдор ерлардан ажратиш каби масалалар ҳақида фуқаролар ўз таклифларини айтишди.

Депутатлик гуруҳининг йиғилишида мониторинг натижалари муҳокама этилди ва йиғилиш қарорига мувофиқ “Фермер хўжаликларининг ер майдони ҳажмларини мақбуллаштириш бўйича амалий ёрдам кўрсатиш”га доир масала халқ депутатлари вилоят Кенгашининг “Аграр, сув хўжалиги масалалари ва экология доимий комиссияси”нинг навбатдаги йиғилишида муҳокама этиш учун тақдим қилинди.

Рустам ТЎЙЧИЕВ,

халқ депутатлари Жиззах вилояти

Кенгашидаги Ўзбекистон “Адолат” СДП депутатлик гуруҳи раҳбари

The post Фуқароларнинг таклифлари асосида амалий ишлар қилинмоқда appeared first on Ўзбекистон "Адолат" социал-демократик партияси.

Янги йилни орзиқиб кутган болажонларнинг Президент совғаларини олган дамлардаги қувончини таърифлашга сўз ожиз. Буни “Президент арчаси” байрами тадбирларида иштирок этган Жиззах шаҳридаги 29-Меҳрибонлик уйи тарбияланувчилари, боқувчисини йўқотган оилалар, хизмат вазифасини ўташ чоғида ҳалок бўлган осойишталик посбонлари фарзандларининг юз-кўзларида ҳам кўриш мумкин.

Тадбирда Президентимиз раҳнамолигида аҳоли, айниқса, ёшларнинг ҳуқуқ-манфаатларини ҳимоя қилиш, замонавий шароитларда улғайиши, қалби ва онгида Ватанга муҳаббат, миллий қадриятларимизга ҳурмат туйғуларини мустаҳкам қарор топтиришга алоҳида эътибор қаратилаётгани таъкидланди.

Вилоят қўғирчоқ театри ва бадиий жамоалар томонидан тайёрланган байрам томошалари болажонларга олам-олам завқ бағишлади. Улар ранг-баранг чироқлари товланиб турган мафтункор арча атрофида Қорбобо, Қорқиз ва турли эртаклар қаҳрамонлари билан бирга қўшиқ айтиб, рақс тушди.

– “Президент арчаси” байрамида муассасамиз тарбияланувчилари роса яйрашди, – дейди 29-Меҳрибонлик уйи директорининг ўринбосари Манзура Ўролова. – Айниқса, болаларнинг Президентимиз совғасини олган дамдаги шодликларини бир кўрсангиз эди. Давлатимизнинг доимий ғамхўрлиги туфайли ҳеч нарсага зориқмай вояга етаётган болаларнинг Ватанга, халқимизга меҳрини оширишда бундай байрамларнинг аҳамияти катта.

Тадбирда Жиззах вилояти ҳокими С.Исмоилов сўзга чиқди.

The post Болажонлар қувончи appeared first on Ўзбекистон "Адолат" социал-демократик партияси.

Зомин тиббиёт коллежида “Оила мустаҳкамлигини таъминлашда замонавий аёлнинг етакчилик роли” мавзусида тадбир бўлиб ўтди. Тадбирда партиянинг вилоят Кенгаши раиси Р.Тўйчиев, вилоят Кенгаши раисининг 1-ўринбосари Ҳ.Шарипов, халқ депутатлари Зомин туман Кенгаши депутатлари Н.Пирназарова, C.Алибекова, С.Хўжанов, А.Худойбердиев, туман тиббиёт бирлашмаси шифокори Г.Бердибекова, “Каттабоғ” МФЙ диний-маърифий ишлар бўйича маслаҳатчиси Г.Юнусова, “Навоий” ҚФЙ диний-марифий ишлар бўйича маслаҳатчиси С. Босимова, Зомин тумани тиббиёт  коллеж талабалари ҳамда Зомин туман ҳокимлиги ахборот хизмати рахбари Ў.Бердибеков иштирок этдилар.

Тадбирни партиянинг туман Кенгаши раиси Ш. Тўраев кириш сўзи билан очиб, оила мустаҳкамлигини таъминлашда Ўзбекистон “Адолат” СДП томонидан амалга оширилаётган тарғибот-ташвиқот ишлари ва уларнинг самараси, партия фаоллари томонидан амалга оширилаётган ишлар тўғрисида сўз юритди.

Шунингдек, тадбирда партиянинг вилоят Кенгаши раиси Р.Тўйчиев Президентимиз И.Каримов томонидан  2016 йил “Соғлом она ва бола йили” деб эълон қилиниши ҳотин қизларимизга берилаётган эътибор баланд эканлигини кўрсатишини таъкидлади.

Туман тиббиёт бирлашмасининг олий тоифали шифокори Г.Бердибекова аёлларнинг тиббий маданиятини ошириш йўлида қилинаётган ишлар ва уларнинг самараси, фарзандларимизнинг ҳар томонлама етук шахс бўлиб вояга етишида аёлларимиздаги етакчилик қобилиятининг ўрни тўғрисида тўхталиб ўтди.

Н.Пирназарова, халқ депутатлари Зомин туман Кенгаши депутати:

Нигора  Жўраева,

Ўзбекистон “Адолат” СДП Жиззах

вилоят Кенгаши раис ўринбосари

The post Етакчи аёлларнинг оиладаги роли appeared first on Ўзбекистон "Адолат" социал-демократик партияси.

Юртимизда аҳоли бандлигини таъминлаш борасида кенг кўламли ишлар амалга оширилмоқда. Хусусан, тадбиркорлик субъектларини ривожлантириш ва қонуний жиҳатдан муҳофаза этиш, инновацион корхоналар фаолиятини йўлга қўйиш орқали янги иш ўринлари ташкил этилмоқда. Масалан, ўтган йил давомида  мамлакатимизда  9800 мингдан ортиқ иш ўрни ташкил этилди. Бу иш ўринларининг 60 фоиздан зиёди қишлоқ жойларда яратилди. Касб-ҳунар коллежларининг 4800 мингдан ортиқ битирувчиси иш билан таъминланган бўлса, уларнинг ўз бизнесини ташкил қилиши учун тижорат банкларидан 2800 миллиард сўм имтиёзли кредитлар ажратилди.

Бундан ташқари аҳоли бандлигини таъминлаш мақсадида жойларда турли тарғибот ишлари, тадбирлар ўтказилиб келинмоқда. Шундай тадбирлардан бири Ўзбекистон “Адолат” СДП Жиззах вилоят Кенгаши ташаббуси билан Зомин туман Қишлоқ хўжалиги ва маиший хизмат касб–ҳунар коллежида “Ёшлар учун янги иш ўринларини яратиш – долзарб вазифа” бўлиб ўтди. Тадбирда Ўзбекистон “Адолат” СДП Зомин туман Кенгаши раиси Ш.Тўраев, Халқ депутатлари туман Кенгаши депутатлари Н.Пирназарова, С.Хўжанов, С.Алибекова, А.Алтибаев, Ф.Умурзоқов, А.Худойбердиев, туман бандликка кўмаклашиш маркази раҳбари А.Абдураимов, Ш.Рашидов МФЙ маслаҳатчиси Р.Қостанақулова, Ғ.Ғулом МФЙ маслаҳатчиси М.Ҳайдаровалар иштирок этдилар.

Тадбирни кириш сўзи билан очиб берган партиянинг туман Кенгаши раиси Ш.Тўраев туманда аҳоли бандлигини таъминлаш борасида  олиб борилаётган саъй-ҳаракатлар, бу борада партия фаолларининг ўрни, коллеж битирувчилари ва ташкилотлар билан ҳамкорликда тузилаётган шартномалар ва уларнинг аҳамияти  тўғрисида фикр  юритди.

Шунингдек, тадбирда туман бандликка кўмаклашиш маркази раҳбари А.Абдураимов марказ томонидан аҳоли бандлигини таъминлаш мақсадида амалга оширилаётган тарғибот-ташвиқот ишлари, туманда ташкил этилаётган бўш иш ўрни ярмаркалари ва уларнинг аҳамиятини таъкидлади.

Тадбирда сўз олган Ғ.Ғулом МФЙ маслаҳатчиси М.Ҳайдарова маҳалла фуқаролари йиғини томонидан тадбиркорликни йўлга қўйиш орқали янги бўш иш ўринларини ташкил этиш мақсадида кўрсатилаётган  амалий ёрдам тўғрисида ўз фикр-мулоҳазаларини билдириб ўтди.

Қизғин савол-жавоблар асосида ўтказилган ушбу тадбирда иштирокчилар партиямиз томонидан ўтказилиб келинаётган тарғибот-ташвиқот ишлари ва уларнинг самараси тўғрисида қизиқарли маълумотларга эга бўлдилар.

Маърифат МАВЛОНОВА,

Ўзбекистон “Адолат” СДП

Жиззах вилояти Кенгаши матбуот котиби

The post Амалий ишлар ўз самарасини кўрсатмоқда appeared first on Ўзбекистон "Адолат" социал-демократик партияси.